Fotoam-bavaka présentiel manaraka : Sabotsy 14 jona 2025 amin’ny 2ora 15 min ao Drummondville
1550 rue Saint-Aimé. Drummondville
Aza misalasala mifanoratra ao amin’ny courriel jesosymamonjycanada@gmail.com raha toa ka eto Quebec ianao ary mila fanampim-panazavana na fitaterana.
Ny famonjena
« Anio no tonga @ity trano ity ny famonjena « (Lio.19:9).
Rentsika matetika io teny io nandritry fotoanan’ny Paska.
Fa iza tokoa moa no mila famonjena? Ary iza no afaka hamonjy azy ?
A/ Jesosy no Kristy, ilay Mesia.
= Ny olombelona rehetra, izaho sy ianao no very noho ny fahotana ka mila Mpamonjy(Rom.3:23)
Tsy misy afaka namonjy antsika afa-tsy Jesosy irery ihany izay nirahin’ny Ray hanolotra ny tenany ho sorona hoantsika teo ambony hazofijaliana ( Jao.3:16; sy Rom.5:8)
= Vitany teo ny famonjena antsika ka nanomezany antsika fofon’aina vaovao tsy mety maty intsony dia ny fiainana mandrakizay. (Jao.3:36; Jao.20:22).
B/Misy ve ny olomboavonjy?
Noho izay sorona vitan’i Jesosy izay dia misy tokoa ny olona voavonjy afaka t@ fanandevozan’ny ota, ka tafafindra niala t@ fahafatesana hoany @ fiainana, tsy mahay manota intsony satria naterak’A/tra, tonga olona vaovao (2 Kor.5:17; 1 Jao.3:9).
Eny tafafindra niala t@ fahafatesana ho@ fiainana izy= (Jao.5:24 ;sy 1 Jao.3:14)
C/ Ahoana no hahafantaranao fa voavonjy ianao?
= Rehefa avy nibebaka tsara ianao dia mitondra voa eo @ fiainanao ( Mat.3:8; 1 Jao.3:9); miampy ny vokatry ny Fanahy=(Gal.5:22)
Sady manana ny herin’A/tra ao anaty= (Jao1:12)
Ny Fanahy Masina koa manamarina aminao ao anaty= Rom.8:16
D/ Rahoviana no mety azo ny famonjena?
Izao anio izao=Lio 19:9 raha mety ianao!
= Raha vao mino ianao. ( Asa 16:30)
= Ka mandray an’i Jesosy ho Tomponao ( Jao.1:12)
Ry havana malala,
Efa voarainao ve ny famonjena nataon’i Jesosy hoanao ? Sa mbola very ihany ianao h@ zao, tsy manana antoka fa hoany andanitra raha miala ety?
Tsarovy fa efa nitsangana t@ maty efa 2.000 taona mahery Jesosy ary velona mandrakizay hoanao koa. Koa meteza hohatsangany koa na dia efa maty noho ny fahotana aza eo imason’A/tra, fa tia anao loatra Izy. Mibebaha re e, ary raiso ny Fanahy Masina dia ndeha mandroso hiaraka @ Jesosy hoany andanitra!
Ho aminao anie ny fahasoavan’ny Tompo!
Amena.
P.Jaona
Ny toriteny voalohan’i Jesosy
Fiadanana hoanareo!
Mba tsaroanareo moa ny toriteny voalohany nataon’i Jesosy?
Mat.4:17= » Mibebaha ianareo fa efa akaiky ny fanjakan’A/tra! »
Fa inona moa no atao hoe fibebahana? Nahoana no tsy maintsy mibebaka ny olona? Ary ahoana izany mibebaka izany? Ahazoana inona ny fibebahana?
A/Inona moa no atao hoe: » Fibebahana « ?
1= Fitodihana @ A/tra. (Ezek.18:30)
2-Fiakena heloka fa mpanota mila famonjena. (Lc.5:32).
3- Fialana @ ratsy.( Ezek.33:11)
4- Fanonerana na famerenana izay nangalarina: toy ny nataon’i Zakaiosy( Lio.19:8)
B/ Nahoana no tsy maintsy mibebaka ny olona?
Satria samy efa nanota ka tsy misy manana ny voninahitra avy @ A/tra, eny tsy misy marina na iray aza.( Rom.3:27).
Ka lasa maty fanahy avokoa: (Rom.3:23)
C/ Ahoana no fomba fibebaka?
1- Manatona an’A/tra ( Jak.4:8)
2- Manaiky an’i Jesosy @ vava sy mino Azy @ fo (Rom.10:9)
3- Mandray an’i Jesosy ao ampo.( Jao.1:12 sy sy Apok.3:20).
D/ Ahazoana inona ny fibebahana?
1- ahazaoana famelan-keloka vitan’i Jesosy teo @ hazofijaliana. (Asa.2:38)
2- mitondra ho@ batisa mba ahatanteraka ny famonjena.
3- Ahafahana mandray ny FM.
E/ Koa vonona ve ianao mba hibebaka anio fa efa vonona ela miandry anao eo ambaravaran’ny fonao Jesosy hitondra famelana ny otanao rehetra!
Indro Jeso, mba voahy re fa hotsapanao mihitsy ny fahamarinan’ny TA hoe: « Sambatra ny olona zay voavela ny helony sy voasarona ny fahotany ! »(Sal.32:1)
Fiadanan’ny Tompo anie hoaminao !
Amena!
P.Jaona mivady.
Iny Jesosy iny
Fantatrao ve Jesosy?
Efa henonao ve ny nataon’i Jesosy?
Tadidinao ve ny fampianarany?
Hainao ve ny anton-diany tety an-tany?
Fantatrao ve ny nanjo Azy?
Tadidinao ve ny hafatra napetrany?
Inona ny lesona voarainao ny Aminy?
Inona kosa no ataonao an’i Jesosy ankehitriny?
Manao ahoana ny fanomananao ny fiverenan,i Jesosy?
Moa vonona ve ianao raha hiverina Jesosy? Anisan’ireo izay hahazo ny hoe « Ry mpanompo tsara sady mahasoa ve ianao? »
Satria « iny Jesosy iny… dia mbola ho avy. » Asa 1.11. Ary rehefa ho avy Izy dia hitsara.
Ndao ary, diniho ny tenanao, inona ny valin’ireo fanontaniana ireo eo amin’ny fiainanao? Miomàna e hihaona amin’Andriamanitrao.
Tsy kilalao ny fanompoana, tsy kilalao ny fivavahana, tsy facultatif ny ara-panahy.. fa rehefa nampahafantarina anao ny amin’i Jesosy dia tsy afa-miala intsony ianao satria efa voafidy ianao izay.
Ireo foto-pampianarana 16 isa ao amin’ny Jesosy Mamonjy
1- Andriamanitra Tokana
2- Ny Soratra Masina
3- Ny fahalavoana
4- Ny famonjena
5 – Ny batisa
6- mbola hitohy
Andro fiakarana
Haleloia, deraina ny Tompo!
Ry havana malala,
Fantatrao ve fa hoavy indray Jesosy?
Vao nankalaza ny Fiakaran’ny Tompo tany andanitra isika ny Alakamisy 9 May lasa teo( Ascension).
A/ Fa lasa nankaiza tokoa moa Jesosy taorian’ny fitsanganany t@ ny maty?
= Jao.14:12= nankany @ Rainy
B/ Aiza ny lalana mankany?
Jao.14:6= Jesosy irery ihany no lalana sy fahamarinana ary fiainana! Tsy misy mankany @ ny Ray afa-tsy @ alalany!
C/Hanao inona any Jesosy?
= Hamboatra toerana hoantsika olomboavonjy=Jao.14:2..
D/ Dia hiverina indray haninona?
= Haka ny mpino hoany aminy. Jao.14:3
E/ Rahoviana izany?
Rehefa vonona ilay toerana!
=@ fotoana tsy ampoizina= Mat.24:27;25:13
= Tsis mahalala afa-tsy ny Ray ihany =Mat.24:36; 1 Tes.4:16-17
F/ Inona ary no tokony hataoko e?
Sao hoavy anio alina Jesosy!
= Miomana mandrakariva= Mat.25:13
=Miambina= Mat.24:42,44
= Aza matory= 1 Tes.5:6
= Maharitra = Jak.5:8
Koa raha hoavy anio alina = Asa.1:9-11, moa vonona ianao? Hoan’isan’izay hotafakatra ve sa mbola hovesaran’ny loton’ity tany ity sy fahoriany ?
Ndeha re hifoha e, ka hiomana sy hiambina mba ho isan’ireo virijina 5 adala! Mbola mba virijina ihany nefa adala: tsy niambina fa natory ka tara fidirana teo ambavahadin’ny lanitra!
Mbola mivoha hoanao ny vavahadin’ny lanitra ka hararaoty sa tratra aoriana indray.
Ny fahasoavan’ny Tompo Jesosy hoaminareo rehetra!
Amena.
Neny!!!
Haleloia, deraina ny Tompo!
Arahabaina tratry ny fetinareo Reny anio eto Canada sy Etazonia!
Mangataka aho mba hoambinina sy ho salama hatrany anie ianareo tahaka ny hanambinana ny fanahinareo ihany!
Ka hotanterahin’i Jehovah anie zay hangatahinareo rehetra!
Fa iza tokoa moa ny Reny? Ary miteny momba ny Reny ve ny Baiboly?
Nahoana no mankalaza ny Fetin’ny Reny isika?
A/Ny Reny?
1-Fanomezana’A/tra: Gen.2:18,21
2- Olona faharoa noforonon’A/tra, ka nataony « vehivavy »= Gen.2:23
3- Renin’ny olombelona rehetra ka nomen’i Adam anarana hoe: »Eva »= Gen.3:20
4- Loharano nipoiran’ny taranaka = Gen.4:1,2
5- Antoky ny fitaizana sy ny fanabeazana = nitondra vohoka 10 volana, nitrotro, nibaby, nitaiza, niankin-drindrina irery….(Tel mere, tel fille).
6- Endriky ny fitiavana feno= tia ny zanany!
B/ Ahoana hoy ny Baiboly?
-Manajaa ny Rainao sy ny Reninao, mba ho maro andro ianao = Eks.20:12
– Ataovy zay zay mahafaly ny Rainao ary aza mampalahelo ny Reninao ( Oh.10:1; 15:20) na manamavo azy= Oh.23:20)
-Tiavo izy ry Dada a ka aza sosotra aminy= Kol.3:19.
D/ Mankalaza ny Fetin’ny Reny isika satria?
1-Fampiharana ny Tenin’A/tra izany
– ho fisaorana @ zavatra rehetra indrindra fankasitrahana ny fisian’i Neny( 1- Tes.5:18).
-Fanehoana fitiavana sy fanajana ny Reny zay fanomezan’A/tra manokana ka nahitana masoandro!
3- Hamaliantsika babena azy
4- Hanomezantsika voninahitra azy
5- Hisaorantsika an’A/tra noho ny fisiany.
E/ Inona no azonao atao hoan’i Neny anio?
Koa hararaoty ny fotoana hananao ny Reny fa mandalo izao fiainana izao e! Hampifalio izy ka tiavo, omeo voninahitra sy hajao fa io no anao, dieny mbola velona!
Ohatra 1= Mahafantatra zanakavavy 2 samihafa aho, tonga aty andafy, tafita soamantsara, dia nanafatra ny Reniny avy mba hamangy azy sady hampifana azy aty, ka miaraka manao fety aminy androany aty andafy!
Izany no tena fitiavana sy fanajana ny RAD !
MBA AHOANA KOSA NY ANAO?
Tena mamy anie zany Reny zany e!
Nefa raha tsy manana atolotra ianao, dia vavaka atolotra hoazy @ zao anio izao fa zay no tena kadoa tsara indrindra ilain’i Neny!
Ny fiadanan’ny Tompo anie hoan’ny Reny rehetra sy ny ankohonana rehetra mino an’i Jesosy, Andrian’ny fiadanana! Amena!
P.Jaona
Témoignage :
Moi c’est Rasolofonoaina Rado, je suis marié et j’ai une petite fille qui a actuellement 2 ans.
Je suis Chrétien (JESOSY MAMONJY) depuis ma naissance, mes parents m’ont toujours conduit vers le chemin de la vérité. J’étais un bon pratiquant qui étais censé être un gentil Garçon. Et oui dans mon enfance j’étais sage, respectueux studieux et obéissant, j’aimais célébrer Noel et étais enthousiaste pour les Écoles du dimanche.
Mais à mon adolescence, tout à changer, je commençais à prendre gout pour les mauvaises choses. J’ai commencé à boire, sortir les nuits comme les jours, jouais avec les filles, se bagarrer dans des boîtes de nuits, je trouvais toutes les excuses pour manquer l’église. Enfin, j’étais devenu un cauchemar pour mes parents et je ne les écoutais pas quand ils ont essayé de me raisonner à la longueur des temps.
Aujourd’hui j’ai 30ans, cela fait plus de 5ans que j’ai laissé derrière moi toutes ces Bêtises suite à un appel de Dieu qui a eu lieu le 04 Novembre 2018 où moi et ma femme ont été Baptisés.
Et oui ça n’a pas été facile de me détacher de toutes ces choses que j’aimais, qui me faisais vibrer mais également dans ce sens, m’ont rendu esclave. Résister aux tentations était un dur combat, mais justement à partir du moment où j’ai donné ma vie à Dieu, ce n’était plus mon combat, c’était devenu le sien comme il a dit dans Exode 14 :14 « L’Éternel combattra pour vous; et vous, gardez le silence » et pour lui rien n’est impossible, depuis j’ai été délivré « Si donc le fils vous affranchi, vous serez réellement libres » Jean 8-36.
Moi qui pensais que ma vie allait devenir ennuyeuse, aujourd’hui je vous en témoigne que je ne me suis jamais senti aussi heureux et vivant. Je ne dirais pas que je suis parfait mais en tout cas par sa Grâce je suis actuellement une Personne entièrement béni et qui marche vers la lumière.
Chers Frères et Sœurs, Dieu vous attend à bras ouvert, il ne vous a jamais oublié. Il n’est jamais trop tard, ayez la volonté de revenir vers lui. Il a toujours été là et sera là a jamais pour vous. Dieu est grand, Dieu est amour.
RASOLOFONIAINA RADO
Ny fahaterahana indray
Toy ny Rano ny TA rentsika io, nomena mba ho fanasana anareo. Rehefa mandre ny toriteny isika dia manadio antsika izany!
Ny Fanahy Masina kosa no manova ny fanahintsika ho fanahy vaovao ka hahatonga antsika ho olombaovao( 2 Kor.5:17).
Ohatra= Mpanota 1 mibebaka, miaiky ny fahotany rehefa avy nandre ny Toriteny, dia noresen’ny Fanahy Masina lahatra ka nataony operation manokana= nesoriny ny fo vato ka nosoloiny fo nofo. Nesoriny ny fanahy ratsy ka nosoloiny fanahy vaovao! Manjary mahay mivavaka sy midera ny Tompo no mahay mitia ny olona rehetra!(Ez.36:25-27)
= Nomen’ny Tompo anarambaovao koa aza:-Abrama=Abraham. Saray= Saraha
Jakoba= Israel
Simona= Petera
Saoly= Paoly
Ianao koa rehefa hateraka indray dia omen’ny Tompo anarambaovao any andanitra! Fantatrao ve zany?
B/ Fomba ahaterahana indray?
1- Manaiky an’i Jesosy @ vava ary mino Azy @ fo(Rom.10:9)
2- Miaiky ny fahotany ( Mat.3:6)
3- Mandray an’i Jesosy ( Jao.1:12; Apok.3:20)
4- Dia tonga ny Fanahy Masina manatanteraka ilay tsy vitan’olombelona: ( Ezk.36:25-27)
C/ Tena misy ve ny olona efa nateraka indray?
Eny dia eny. Zaho no anisany, manana daty nahaterahana 2 aho=
1- teraka ara-nofo= 13 Oct.1951
2- teraka ara-panahy = 12 Des.1965
Teo aho vao nanjary tsy nahay niteny ratsy intsony, tsy nahay nandainga intsony, nanjary miramirana sy feno fitiavana zany foana ! Tena hafa mihitsy zany manana ny Fanahy Masina ao anaty izany ka nantsoina hoe olomboavonjy!
Fa mba ahoana kosa ianao ?
Efa nateraka indray ve sa mbola velona ao ihany ilay olona taloha?
Aza mangatsk’andro intsony re fa efa ela izay nitondranao vohoka izay: atolory an’i Jesosy ny otanao rehetra fa zao fotoana mety, ka raiso ny Fanahy Masina mba hanadio anao !
Amena!
P.Jaona
Ny Batisa
Fiadanana ho anao !
« Indro rano ka inona no misakana ahy tsy atao batisa? »( Asa.8:36).
Fanontaniana napetraky ilay tandapa etiopiana, mpivavaka tsara, namaky baiboly tao anaty fiarany, rehefa nandre ny tenin’A/tra notorian’i Filipo izy, dia nangetaheta ny atao batisa!
A/ Fa inona moa ny batisa?
= Mariky ny fibebahana ny batisa =Mat.3:5-8
= Fepetra ahazoana ny famonjena ny batisa =Mar.16:16
=Didy nomen’ny Tompo ny batisa = Mat.28:19; Asa.2:38
= Fandevenana ilay olona talohasady fitsanganana ho olona vaovao = Rom.6:4
= Fitafiana an’i Kristy ny batisa (Gal.3:27)
B/ Hoan’iza ny Batisa?
= Hoan’ny mpanota rehetra nibebaka ka nandray an’i Jesosy ( Mat.3:6; Jao.1:12)
= Ireo efa namoa voa miendrika ny fibebahana ( Mat.3:8)
= Eny fa na dia isika izay taranaka mpivavaka aza, toy ity tandapa etiopiana ity, ka mibebaka tsara, dia afaka miroso, manolotena hoatao batisa!
= Satria fanatanterahana ny fahamarinana rehetra ny batisa, ka na dia Jesosy aza dia nanatona hoataon’i Jaona batisa. ( Mat.3:15-17)
Aza mihevitena ho marina, fa mbola tsy tanteraka ianao. Ekeo ny fahalemenao, dia manatona hatao Batisa faingana fa efa ela no niandrasan’i Jesosy anao !
= Hoan’ny olondehibe afaka miaiky ny fahotany, fa tsy ny zazakely akory!
Tsarovy fa tsy misy mihitsy zazakely natao batisa ao @ Baiboly! Tsy nahita mihitsy aho!
Fa fanoloranjaza na fitsofan-drano ny zaza no fanao !
= Nanolotra an’i Samoela i Hana( 1 Sam.1:28)
=Nanolotra an’i Jesosy koa i Maria sy Josefa (Lio.2:22,28)
=Nentin’ny olona teo @ Jesosy ny zanany madinika ka notsofiny rano( Mat.19:13-14; Mar.10:13)
C/ Fomba fanaovana ny batisa?
Koa satria tandindon’ny fandevenana an’i Jesosy sy ny fitsanganany @ maty ny batisa dia atao anaty ranobe= Ony Jordana= rano mandeha.
= Asoka, halevina ao ilay olona taloha ka hivoaka avy ao ho @ fiainambaovao.
= Eo anatrehan’ny vavolombelona maro ny fandevenana satria fijoroana vavolombelona koa ny batisa hanambaranao ampahibemaso fa velona tokoa Jesosy ka nanova anao !
D/ Koa inona ary no misakana anao tsy atao batisa?
Fa indro ankehitriny no andro famonjena, ary indro ankehitriny no andro fankasitrahana. Tsy fantatrao ny havoaky ny ampitso!
Tapaho ny hevitrao, dia Mibebaha ka ario ny otanao dia manolora tena hoatao batisa, fa hoazonao koa ilay kadoa lehibe avy any andanitra dia ny batisan’ny Fanahy Masina sy ny Afo.
Fahasoavan’ny Tompo hoaminao !
Amena!
P.Jaona.